“Fjalët e urta kanë tabanin. Nuk je trim pse vret filanin. S’bahesh burre pse e mëson duhanin. As rehat me ndjek haramin. Trim i thojnë për sa t’jet jeta. Hejjj kush a i Zoti, o i punëve t’veta.”Mesazhi është i pastër dhe i drejtëpërdrejtë: trimi nuk është ai që përdor dhunën apo ndjek të keqen, por ai që ruan dinjitetin dhe merret me punët e veta. Në një kohë kur shumë personazhe publikë promovojnë këngë me tekste bosh, madje edhe nxitëse për dhunë, Granit Xhaka zgjedh t’u kujtojë miliona ndjekësve të tij se vlerat dhe burrëria e vërtetë nuk dalin kurrë nga moda. Ai mbetet jo vetëm shembulli i një sportisti të madh, por edhe i një shqiptari të suksesshëm dhe i një djali me parime.
Ky rast përfaqëson një edhe shembull të suksesit të këngëtarit Gjovalin Shani, i cili, me këngën e tij “Lum kush rrin me burra të mira”, ka arritur të depërtojë jo vetëm në Shkodër dhe në mbarë Shqipërinë, por edhe përtej kufijve të vendit. Vargjet e urta dhe mesazhi i këngës kanë gjetur rrugën deri tek skena ndërkombëtare, duke prekur zemrat e shumë dëgjuesve dhe duke u bërë inspirim për të rinjtë që vlerësojnë kulturën dhe traditën shqiptare. Suksesi i kësaj kënge është konfirmuar edhe nga fakti se ka arritur tek njerëz me famë botërore, si Granit Xhaka, i cili ka zgjedhur ta ndajë me publikun e tij këtë vlerë kulturore dhe morale, duke e bërë të njohur talentin dhe mesazhin e Gjovalin Shanit në një dimension tjeter. Ky bashkim i muzikës dhe sportit shqiptar tregon se vlerat tona kulturore mund të nxisin jo vetëm krenari lokale, por edhe respekt dhe admirim ndërkombëtar.
Videoja qe ka postuar Xhaka ne profilin e tij zyrtar ne TikTok:
