Në Shkodër dhe në shkallë vendi, këtë vit ka pasur një sipërfaqe më të vogël të mbjellë me grurë krahasuar me vitin e kaluar, por rendimenti i prodhimit është më i lartë. Specialisti i bujqësisë, Kostandin Hajkola, thotë se pavarësisht rritjes së prodhimit, çmimi i grurit që importohet është më i ulët se ai i prodhuar në vend, ndaj vendi ynë do të vazhdojë ta sigurojë shumicën dërrmuese të grurit nga tregjet e huaja.