Sheshi përpara Bashkisë Shkodër u mbush me atmosferë festive gjatë edicionit të 18-të të “Lojëra Popullore Fest”, një aktivitet që tashmë është kthyer në një traditë të dashur për qytetin. Ngjyrat kuqezi dhe lojërat tradicionale sollën një shpërthim emocionesh, duke bashkuar breza të ndryshëm në ruajtjen dhe promovimin e trashëgimisë kulturore.

Ky aktivitet është një dëshmi e përkushtimit për të mbajtur gjallë lojërat popullore dhe për t’i kaluar ato brez pas brezi, duke forcuar identitetin dhe lidhjet shoqërore në komunitet.