50-vjeçari Ilir Ujka në Malësi të Madhe detyrohet të kujdeset për 4 anëtarët e tjerë të familjes, ku dy motrat dhe vëllai janë me probleme shëndetësore. Por, sikur të mos mjaftonte kjo, kushtet ekonomike me të cilat përballet kjo familje janë të vështira, ndërsa banesa në gjendje tejet të amortizuar. Ujka thotë se kanë marrë vetëm premtime, por asnjë ndihmë nga Bashkia Malësi e Madhe.

Në stinën e dimrit, jetesa në këtë banesë është tepër e vështirë, pasi uji futet brenda. 50-vjeçari Ujka kërkon një vend pune për t’i ardhur në ndihmë anëtarëve të tjerë të familjes.
 
Kjo familje banon në lagjen “Balaj” të njësisë Kastrat në Malësi të Madhe.