Shqipëria ka shkruar sot emrin me germa të arta në historinë e peshëngritjes, teksa sportistja 17-vjeçare Enkileda Carja është shpallur Kampione e Europës në Kampionatin Europian të të Rinjve dhe U23.

E reja shqiptare shkëlqeu në këtë kompeticion prestigjioz, duke arritur një sukses të jashtëzakonshëm për sportin shqiptar dhe duke ngritur lart flamurin kuqezi në arenën ndërkombëtare.

Kryeministri Edi Rama ka reaguar menjëherë pas fitores përmes një postimi në rrjetet sociale, ku vlerësoi arritjen e kampiones. “Enkileda Carja konfirmohet Kampione e Europës në Peshëngritje për të Rinj dhe U23,” – shkroi Rama, duke e cilësuar këtë rezultat si një moment krenarie për gjithë Shqipërinë.

Ky triumf i Enkiledës pritet të shërbejë si frymëzim për brezin e ri të sportistëve shqiptarë dhe si dëshmi e potencialit të madh që vendi ka në peshëngritje.