Një magazinë ku ruhej sherebelë është përfshirë nga flakët paraditen e sotme në Bajzë, duke shkaktuar dëme të konsiderueshme materiale. Zjarri ka rënë rreth orës 16:00, ndërsa ende nuk dihen shkaqet e tij.

Në vendngjarje kanë mbërritur menjëherë forcat e zjarrfikëses, të cilat kanë ndërhyrë për vënien nën kontroll të flakëve dhe parandalimin e përhapjes së zjarrit në objektet përreth. Sipas burimeve paraprake, nuk raportohet për persona të lënduar.

Magazina përdorej për grumbullimin dhe tharjen e sherebelës, një bimë mjekësore që kultivohet dhe tregtohet gjerësisht në zonë. Dëmet materiale janë në proces vlerësimi.

Autoritetet lokale dhe grupi hetimor kanë nisur hetimet për të zbardhur shkaqet e rënies së zjarrit, ndërsa pritet një njoftim zyrtar në orët në vijim.