Leoni XIV kryeson lutjen e Rruzares për paqen në Sheshin e Shën Pjetrit dhe rikonfirmon se asnjë ideologji, besim apo politikë nuk mund të justifikojë eliminimin e të afërmit. Duhet parë bota me “sytë e të vegjëlve”, thotë Ati i Shenjtë, dhe u kërkon atyre që kanë përgjegjësi në botë të ndërtojnë “kushtet për një të ardhme paqeje”: “Jini të butë dhe të vendosur. Mos u dorëzoheni! Zoti ecën me ju”.
“Shtjere shpatën në mill!”. Fjalët e Krishtit drejtuar Pjetrit në Kopshtin e Ullinjve, Papa, i cili është zëvendës i Krishtit dhe pasardhës i Pjetrit, ua drejton “fuqive të botës, atyre që udhëheqin fatet e popujve”
“Keni guximin e çarmatimit!”
Paqja, në fakt, buron nga bashkimi, dhe jo nga parandalimi. Nga dialogu, dhe jo nga ultimatumi. Është një guxim, ai i heqjes dorë nga armët – çarmatimi, pikërisht – që kërkohet më shumë se kurrë nga fuqitë e sotme. Sepse “për asnjë ide, apo fe, apo politikë ne nuk mund të vrasim”, thotë Papa Leoni XIV në predikimin e tij gjatë lutjes së Rruzares për paqen kryesuar këtë mbrëmje, më 11 tetor, në Sheshin e Shën Pjetrit, në Vatikan.
