Në Qarkun e Lezhës vazhdojnë të jetojnë në gjendje izolimi mbi 35 familje për shkak të gjakmarrjes. Fatmirësisht, sipas kreut të Komitetit të Pajtimit të Gjaqeve në Lezhë, Pjetër Gjoka, nuk ka më fëmijë të ngujuar, falë ndërhyrjeve të viteve të fundit. Gjoka thekson se fenomeni është minimizuar, por ende kërkon punë të madhe nga të gjithë aktorët, pasi shpesh familjet e ardhura nga konflikte të tjera përfshihen pa dijeninë e tyre si pala e dëmtuar apo pala dëmtuese, gjë që rrit pasigurinë.