Dy nxënëse të Gjimnazit “28 Nëntori”, Ajsi Beqiri dhe Shanel Rrosha, kanë arritur një sukses të jashtëzakonshëm në nivel kombëtar, duke fituar Çmimin e Parë të Intel (Country/Region/Territory Award – Albania) në kuadër të eventit “AI for Youth”, organizuar nga Albanian-American Development Foundation (AADF). 🥇
Projekti i tyre inovativ, me titull “MindMate: AI-Powered Mental Health Buddy”, u përzgjodh ndër pesë më të mirët në Shqipëri dhe u prezantua në këtë aktivitet kushtuar ideve kreative të të rinjve në fushën e inteligjencës artificiale.
Gjatë eventit, vajzat morën surprizën e bukur — projekti i tyre u shpall fituesi i vendit të parë në nivel kombëtar dhe rajonal, duke dëshmuar talentin, vizionin dhe përkushtimin e tyre për të përdorur teknologjinë në shërbim të mirëqenies mendore dhe zhvillimit shoqëror.
Projekti u zhvillua nën mentorimin e mësueses Vjola Jerina, e cila ka udhëhequr me përkushtim vajzat drejt këtij suksesi.
Shkolla “28 Nëntori” falënderon AADF për mbështetjen e vazhdueshme ndaj iniciativave që nxisin inovacionin dhe zhvillimin e të rinjve shqiptarë, duke krijuar mundësi të reja për edukimin modern dhe krijues.
Ky eshte suksesi i rradhes i shkolles “28 Nentori” ne Shkoder qe vazhdon te prodhoje nxenes ekselente dhe te rinj me potencial per te ardhmen. Nje kontribut qe duhet vleresuar i te gjithe stafit: mesuesve dhe drejtoreshes Albana Bushati
