Libri ‘takon’ detin në një ngjarje unike kulturore


Për herë të parë, bregdeti i Shëngjinit mirëpret Panairin e Librit “Valë dhe Fjalë”, një aktivitet që sjell sëbashku mbi 20 shtëpi botuese nga Shqipëria dhe Kosova, me qindra tituj të rinj për lexuesit e çdo moshe. Autorë të njohur janë takuar me publikun, duke ndarë përvoja, emocione dhe histori nga krijimtaria e tyre. Organizatorët synojnë që ky panair të shndërrohet në një traditë kulturore të përvitshme, duke i dhënë Shëngjinit një dimension të ri përveç turizmit bregdetar.