Në qytetin e Shkodrës u zhvillua sot turneu tradicional i biçikletave “Trofeu – Gilman Bakalli”, një aktivitet tashmë i përvitshëm që mbledh çiklistë nga e gjithë Shqipëria dhe rajoni.

Pavarësisht kushteve të vështira të motit, pjesëmarrësit nuk u tërhoqën dhe garuan me përkushtim përgjatë itinerarit të parashikuar, duke treguar shpirt sportiv dhe respekt për figurën e ish-kampionit të njohur të çiklizmit, Gilman Bakalli, në kujtim të të cilit mbahet ky turne.

Organizatorët vlerësuan angazhimin e sportistëve dhe qëndrueshmërinë e tyre, duke theksuar se “Trofeu Gilman Bakalli” mbetet një simbol i pasionit dhe traditës së gjatë që Shkodra ka për sportin e biçikletës.