Është përmbyllur me sukses edicioni i 17-të i turneut ndërkombëtar të tenisit “Shkodra Indoor 2025”, i zhvilluar gjatë datave 12–14 dhjetor 2025 në ambientet e Adriatic Tennis Park. Turneu u organizua nga Shkodra Tenis, në kuadër të Federatës Shqiptare të Tenisit (FSHT), me mbështetjen e Bashkisë Shkodër, duke kthyer Shkodrën në një qendër të rëndësishme të sportit të tenisit.
Në këtë edicion morën pjesë 57 tenistë nga Shqipëria, Mali i Zi, Kosova, Maqedonia e Veriut, Bosnja dhe Hercegovina, të cilët garuan në katër kategori, duke dhuruar ndeshje të forta dhe një nivel të lartë sportiv.
Vëmendje të veçantë në këtë turne mori Andi Bilali, i cili u shpall fitues në kategorinë Men’s Singles 55+. Bilali, përveçse Drejtor Rajonal i Shërbimit Veterinar për Veriun, dëshmon se shkëlqen edhe në pasionin e tij për sportin, duke u afirmuar si një tenist i suksesshëm dhe shembull i balancës mes angazhimit profesional dhe sportit.
Organizatorët falënderuan të gjithë kontribuuesit për mbarëvajtjen e turneut, ndërsa rezultatet e plota janë të disponueshme në faqen zyrtare të Federatës Shqiptare të Tenisit.
Fituesit dhe finalistët sipas kategorive:
- Women’s Singles 30+
Fitues: Elonia Gjata
Finaliste: Angela Karamano - Men’s Singles 30+
Fitues: Granit Bajraliu
Finalist: Nikolaev Svyatoslav - Men’s Singles 45+
Fitues: Maliq Dervishi
Finalist: Loris Hanxhari - Men’s Singles 55+
Fitues: Andi Bilali
Finalist: Arjan Shanaj
Turneu “Shkodra Indoor 2025” u përmbyll në një atmosferë sportive dhe bashkëpunimi, duke konfirmuar rëndësinë e tij në kalendarin sportiv kombëtar dhe rajonal. 🎾
